Habedere Freunde der Weißwuascht!

Mia Bayern san ja meistns recht stoiz af unser Kultur und Tradition. Und dou ghert de Weißwuascht afach dazua. Wenn se mera Leid treffa und midanand Weißwiascht, Senft und Brezn essn, dann host a Weißwuaschtfrühstück. Des macht ma desweng, wals zu mehra a grejsane Gaudi is ois wej aloa.

Bayern is owa a moderns Land: Da Bayer vo heid hod niad nua a Ledahosn, sondan a an Läptop. As da Kombination vu Tradition und Moderne is jetz de Seitn entstandn: Damit konnst ganz ofach a Weißwuaschtfrühstück organisiern. Oana sagt wann und wou dass de Weißwiascht git und wos sunst no ois eikafft werd. Iwa E-Mail komma dann Leid eilon sovuj ma mecht. U de kinna dann eitrong wiavuj dass essn und trinka wolln. Afach amol ausprowiern, kost ja nix.

Wer jetz ibahaptnix vastandn hod, der konns amal mit da hochdeitschn Iwasetzung prowiern:

Diese Seite auf hochdeutsch anzeigen.

Sollt amoi wos niad passn oda wennst sunst no wos wissn mechst, nachad schreibst ma bittschön ofach a E-Mail an die Adress ausm Impressum. Merce!

Obacht! Es gibt wos neis im Mai 2018!

Zwecks am Datnschutz hod se de EU wos neis eifalln lassn. Eitz muas ma a weng mehra aufschaun, dass koa anderner eiere geheimsten Weißwuascht-Datn beim Hin- und Herversand midlesen konn. Desweng is de Seitn eitz tutti kompletti af HTTPS umgstellt. Des hoaßt, dass ois nur no vaschlisslt iwatrong wiad. Schaut bis eitz ganz guad aus. Sollt erpa doch no wos faln, sagts mas hoid. Merce!