Kurze Einweisung wia ma a Weißwuaschtfrühstück asricht
Am ofachstn erklärt ma des an am Beispül: Der Franz mecht am Samstog a Weißwurschtfrühstück mit seine Freind macha. Do san oba a boa dabei, de meng liaba Wienerla, a wenn des da Franz niad vasteht. Oba dem Franz is des Wuascht, wal dan kafft a halt a Wiener. Und damit koana vadurscht, bsorgt er a no Weizn und fir die Fahrer a Spezi. Jetz woas der Franz oba niad, wer wos mecht und scho glei goa niad wiavui. Desweng macht er des ganz ofach:
-
Auf www.weisswurst-fruehstueck.de klickt er auf "I mecht a Weißwuaschtfrühstück macha". Durt git er dann sein Nama und sei E-Mail-Adress ei und a wo und wann des Weißwuaschtfrühstück sa soll. Dann macht er bei allem wos er bsorgt an Haken hi. Wals koa Spezi niad zum Ohakln gibt, schreibt er in des Textfeld ("Sunst no wos?") no eine, dass er des a bsorgt. Er tippt no den 5-stelligen Code aus dem Buidl ob und klickt dann af "Passt!".
-
Jetz miassat a Meldung kumma, dass des Weißwuaschtfrühstück oglegt worn is. Aßerdem gits jetz an neia Menüpunkt "Mei Weißwuaschtfrühstück". An die E-Mail-Adress vum Franz san jetz a glei no zwoa E-Mails gschickt worn: Oane, de wo der Franz an seine Freind als Einladung weidaleitn konn. Und oane nur fir erm, mit der er de Daten wieda löschen konn, falls er irgendan Bledsinn gmacht hod.
-
Als nexts konn da Franz glei amol eitrong, wos er denn essn und trinka mecht. Dafir afoch af den ozoagtn Link oder af "Mei Weißwuaschtfrühstück" im Menü klickn.
-
Sei Nama und sei E-Mail-Adress steht scho do, jetz mua a blos no eineschreim, wiavui Würschtln, Brezn, Senft und Weizn er sich einverleibn mecht. Dann klickt er af "Passt!".
Zur Huife-Übersicht
|
